ဇန်နဝါရီ ၁၄ရက် (ဒီနေ့) ညနေ ၃နာရီခွဲ၊ YUSC ကွင်းမှာ ယှဉ်ပြိုင်ကစားမယ့် ဧရာဝတီအမျိုးသမီးအသင်းနဲ့ မြဝတီအမျိုးသမီးအသင်းတို့ ပွဲစဉ်ကို လာရောက်ကြည့်ရှုအားပေးမယ့် ပရိသတ်တွေအတွက် ဧရာဝတီအမျိုးသမီးအသင်း ဂျာစီ၊ ဦးထုပ်နဲ့ ရေဘူးတွေ မဲဖောက်ပေးမယ်လို့ ကစားသမားတွေက သတင်းစကားပြောကြားထားပါတယ်။ ဧရာဝတီအမျိုးသမီးအသင်းရဲ့ ဝတ်စုံစပွန်ဆာ Glory Sports က စီစဉ်ပေးတာလို့ သိရပြီး လက်ဆောင်ပေးမယ့် ပစ္စည်းတိုင်းကို ဧရာဝတီအမျိုးသမီးအသင်း ကစားသမားတွေ အမှတ်တရ လက်မှတ်ရေးထိုးပေးထားပါတယ်။ ဧရာဝတီအမျိုးသမီးအသင်းအနေနဲ့ ဒီနေ့ညနေ ယှဉ်ပြိုင်ကစားရမယ့်ပွဲမှာ မြဝတီကို အနိုင်ရမယ်ဆိုရင် တစ်ပွဲအသာနဲ့ အမှတ်ပေးဇယားကို ဆက်လက် ဦးဆောင်နိုင်မှာ ဖြစ်ပါတယ်။
