ထိုင်းတွင် မြန်မာလုပ်သား ၁၀၀ နီးပါး လမ်းမပေါ်တွင် အုပ်စုဖွဲ့ခိုက်ရန်ဖြစ်ပွား

ထိုင်းနိုင်ငံ၊ ချောင်ပူရီခရိုင်၊ ဖန်ထောင်ဒေသတွင် ဇန်နဝါရီလ ၁၃ ရက် ညပိုင်းက မြန်မာအလုပ်သမား ၁၀၀ နီးပါး လမ်းမပေါ်၌ အုပ်စုဖွဲ့ခိုက်ရန်ဖြစ်ပွားခဲ့ရာ မြန်မာလုပ်သား ၂ ဦး ဓားခုတ်ခံရခြင်းနှင့် အရိုက်ခံရခြင်းတို့ကြောင့် ဒဏ်ရာပြင်းထန်စွာရရှိကာ ဆေးရုံသို့ ပို့ဆောင်ခဲ့ရကြောင်း သိရသည်။ အဆိုပါဖြစ်စဉ်မှာ အရက်သေစာသောက်စားရာမှ စကားများရန်ဖြစ်ခြင်းဖြစ်နိုင်ကြောင်း ရဲတပ်ဖွဲ့က သုံးသပ်ထားပြီး ကျူးလွန်သူများကို CCTV မှတ်တမ်းများမှတစ်ဆင့် လိုက်လံဖမ်းဆီးနေကာ၊ ယခုကဲ့သို့ မြန်မာလုပ်သားများအကြား ရန်ပွဲများ ဆက်တိုက်ဖြစ်ပွားနေခြင်းအပေါ် ထိုင်းလူမှုကွန်ရက်တွင် ဝေဖန်မှုများမြင့်တက်နေသဖြင့် ထိုင်းရောက်မြန်မာများအနေဖြင့် အနေအထိုင်ဆင်ခြင်ကြရန် အလုပ်သမားအရေးဆောင်ရွက်သူများက သတိပေးနှိုးဆော်ထားပါသည်။