ရီးယဲလ်မက်ဒရစ်အသင်း နည်းပြရာထူးက အလွန်ဆို ထုတ်ပယ်ခံရပြီး အာဘီလိုအာနဲ့ အစားထိုး

စပိန်စူပါဖလားဗိုလ်လုပွဲတွင် ဘာစီလိုနာအသင်းအား ရှုံးနိမ့်ခဲ့ပြီးနောက် ရီးယဲလ်မက်ဒရစ်အသင်းသည် နည်းပြ ရှာဘီအလွန်ဆိုကို ၇ လကျော်အကြာတွင် ရာထူးမှထုတ်ပယ်ကာ အရန်အသင်းနည်းပြ အာဘီလိုအာနှင့် ချက်ချင်းအစားထိုးခန့်အပ်လိုက်ကြောင်း သိရသည်။ ကလပ်အသင်း၏ ထုတ်ပြန်ချက်တွင် နှစ်ဦးသဘောတူလမ်းခွဲခြင်းဟု ဖော်ပြထားသော်လည်း စပိန်သတင်းများက ထုတ်ပယ်ခြင်းဖြစ်သည်ဟု ရေးသားကြပြီး၊ အသင်းတိုက်စစ်မှူး အမ်ဘာပေကလည်း အလွန်ဆိုသည် ဘောလုံးအမြင်ရှိပြီး ၎င်းအပေါ် ယုံကြည်မှုပေးခဲ့သည့်အတွက် ကျေးဇူးတင်ရှိကြောင်း နှုတ်ဆက်စကားဆိုခဲ့ပါသည်။