ထိုင်းနိုင်ငံ ဘန်ဘောတွင် မြန်မာလုပ်သားများနှင့် ထိုင်းနိုင်ငံသားများအကြား တင်းမာမှုဖြစ်ပွား၊ မြန်မာများ သတိထားနေထိုင်ရန် ဆော်သြ

ထိုင်းနိုင်ငံ၊ စမွတ်ပရာကန်ခရိုင်၊ ဘန်ဘောအရပ်ရှိ စားသောက်ဆိုင်ရှေ့တွင် ဇန်နဝါရီ ၁၁ ရက်က ဆိုင်ကယ်ဟွန်းတီးရာမှစတင်ကာ မြန်မာလုပ်သားအချို့က ထိုင်းနိုင်ငံသား ၃ ဦးကို ဝိုင်းဝန်းရိုက်နှက်ခဲ့သည့် ဖြစ်စဉ်ကြောင့် ဒေသခံထိုင်းနိုင်ငံသားများနှင့် တင်းမာမှုများ မြင့်တက်နေပါသည်။ မြန်မာအလုပ်သမားများ အခြေချနေထိုင်မှုများသည့် အဆိုပါဒေသတွင် အခြေအနေများ တင်းမာနေသဖြင့် ထိုင်းရောက်မြန်မာနိုင်ငံသားများအနေဖြင့် အထူးသတိထားနေထိုင်ကြရန် အလုပ်သမားအရေးလှုပ်ရှားသူများက တိုက်တွန်းနှိုးဆော်ထားသည်။ AAC အဖွဲ့မှ ကိုရဲမင်း၏ ပြောကြားချက်အရ ယာဉ်မောင်းနှင်ရာတွင် ဟွန်းတီးသည့်ကိစ္စမှတစ်ဆင့် စကားများကာ ရန်ပွဲဖြစ်ပွားခဲ့ခြင်းဖြစ်ပြီး၊ လက်ရှိတွင် မြန်မာအသိုင်းအဝိုင်းအပေါ် ထိုင်းဒေသခံများ၏ မကျေနပ်မှုများရှိနေကြောင်း သိရှိရပါသည်။