စင်ကာပူတွင် ဇနီးသည်အား အရိုးကျိုးအောင် ရိုက်နှက်ခဲ့သည့် အမျိုးသား ထောင်ဒဏ်နှင့် ကြိမ်ဒဏ် ချမှတ်ခံရ

စင်ကာပူနိုင်ငံသား အသက် ၄၀ အရွယ် Au Yong Khin Mun ဆိုသူသည် ကွန်ဒိုရောင်းရငွေ ခွဲဝေမှုနှင့် ပတ်သက်၍ အငြင်းပွားရာမှ ဇနီးသည်အား လူအများရှေ့တွင် ပြင်းပြင်းထန်ထန် ရိုက်နှက်ခဲ့သည့်အတွက် ၂၀၂၆ ခုနှစ်၊ ဇန်နဝါရီလ ၁၂ ရက်တွင် ထောင်ဒဏ် ၂၃ လ၊ ၂ ပတ်နှင့် ကြိမ်ဒဏ် ၂ ချက် ချမှတ်ခံခဲ့ရသည်။ ၂၀၂၄ ခုနှစ်၊ ဒီဇင်ဘာလက SUTD တက္ကသိုလ်ကန်တင်းတွင် ဖြစ်ပွားခဲ့သော အဆိုပါဖြစ်စဉ်၌ Au Yong သည် ၎င်း၏ အကြွေးဆပ်ရန် ငွေတောင်းရာမှ ဇနီးသည်က ငြင်းဆန်သဖြင့် မျက်နှာကို ထိုးကြိတ်ခြင်း၊ ပန်းကန်များဖြင့် ထုရိုက်ခြင်းနှင့် ကြမ်းပြင်ပေါ် လွှင့်ပစ်ခြင်းတို့ ပြုလုပ်ခဲ့ရာ ဇနီးဖြစ်သူတွင် ညှပ်ရိုးကျိုးခြင်း၊ နံရိုးကျိုးခြင်းနှင့် မျက်နှာအရိုးအက်ခြင်းတို့အထိ ဒဏ်ရာအပြင်းအထန် ရရှိခဲ့ကြောင်း သိရှိရပါသည်။