ဇန်နဝါရီလ ၁၂ ရက်နေ့ မနက်စောစောပိုင်းကနေ နေ့လယ်ပိုင်းအထိ ဂျပန်နိုင်ငံ၊ ဟော့ကိုင်းဒိုး(Hokkaido)ကျွန်းရဲ့ စိုးယားဒေသတောင်ပိုင်း(Soya Southern region)မှာ ငလျင်တွေ ဆက်တိုက်လှုပ်ခတ်ခဲ့တယ်လို့ သတင်းရရှိပါတယ်။ ဒီငလျင်တွေကြောင့်တော့ ပင်လယ်ရေမျက်နှာပြင် တက်လာနိုင်တဲ့ ဆူနာမီဘေးအန္တရာယ် မရှိခဲ့ဘူးလို့ သိရပါတယ်။ ဒီငလျင်လှုပ်တာတွေထဲက မနက် ၉ နာရီ ၅၀ မိနစ်လောက်မှာ လှုပ်ခဲ့တဲ့ ငလျင်ကတော့ မြေငလျင်ပြင်းအား မဂ္ဂနီကျု ၅.၀ (Magnitude 5.0) ရှိပြီး မြေအောက်အနက်ကလည်း အလွန်နည်းတဲ့ငလျင်ဖြစ်ခဲ့ပါတယ်။ နေ့လယ် ၂ နာရီ ၅၇ မိနစ်မှာလည်း နာကာတွန်ဘဲဆုမြို့နယ်မှာ မြေငလျင်ပြင်းအား ၂ (seismic intensity 2) ရှိတဲ့ နောက်ထပ်ငလျင်တစ်ခု ထပ်လှုပ်ခဲ့ပါသေးတယ်။ ဇန်နဝါရီလ ၁၂ ရက်နေ့ မနက်စောစောပိုင်းကနေ ညနေ ၄ နာရီအထိ စိုးယားဒေသတောင်ပိုင်းမှာ မြေငလျင်ပြင်းအား ၁ ကနေ ၃ အထိရှိတဲ့ ငလျင် စုစုပေါင်း ၁၀ ကြိမ် လှုပ်ခဲ့တယ်လို့ မှတ်တမ်းတင်ထားပါသည်။
