တရုတ်နိုင်ငံ၏ ထိပ်တန်း ဥပဒေပြုလွှတ်တော်ဖြစ်သည့် တရုတ်ပြည်လုံးဆိုင်ရာ ပြည်သူ့ကွန်ဂရက် (NPC) အမြဲတမ်းကော်မတီ၏ ဆုံးဖြတ်ချက်နှင့်အညီ တရုတ်နိုင်ငံသမ္မတ ရှီကျင့်ဖိန်က သံအမတ်အသစ်များ ခန့်အပ်လိုက်ကြောင်း ဇန်နဝါရီ ၁၂ ရက်က တရားဝင်ထုတ်ပြန်ကြေညာချက်အရ သိရသည်။ ထုတ်ပြန်ချက်အရ ဖိလစ်ပိုင်နိုင်ငံဆိုင်ရာ တရုတ်သံအမတ်ကြီး ဟွမ်ရှီးလျန်၏နေရာတွင် ကျင်ချွမ်၊ နယ်သာလန်နိုင်ငံဆိုင်ရာ တရုတ်သံအမတ်ကြီး ထန်ကျန့် ၏ နေရာတွင် ရှန်းပေါ ၊ အန်တီဂွါနှင့် ဘာဘူဒါနိုင်ငံဆိုင်ရာ တရုတ်သံအမတ်ကြီး ကျန်းယန့်လျင် ၏နေရာတွင် ကျန်ဝေ ၊ မာလီနိုင်ငံဆိုင်ရာ တရုတ်သံအမတ်ကြီး ချန်ကျစ်ဟုန်၏ နေရာတွင် လီရှန် ၊ ကူဝိတ်နိုင်ငံဆိုင်ရာ တရုတ်သံအမတ်ကြီး ကျန်းကျန့်ဝေ့၏ နေရာတွင် ယန်ရှင်း၊ ဆီရာလီယွန်နိုင်ငံဆိုင်ရာ တရုတ်သံအမတ်ကြီး ဝမ်ချင်၏နေရာတွင် ကျောက်ရုန်၊ ဆလိုဗေးနီးယားနိုင်ငံဆိုင်ရာ တရုတ်သံအမတ်ကြီး ဝမ်ရွှန့်ချင်း ၏ နေရာတွင် ခန်းယန့်၊ ပေါ်တူဂီနိုင်ငံဆိုင်ရာ တရုတ်သံအမတ်ကြီး ကျောက်ပန်ထန် ၏ နေရာတွင် ယန်ရိရွှေ့ ၊ ဂျီနီဗာမြို့ရှိ ကုလသမဂ္ဂရုံးနှင့် ဆွစ်ဇာလန်နိုင်ငံရှိ အခြားနိုင်ငံတကာအဖွဲ့အစည်းများဆိုင်ရာ တရုတ်နိုင်ငံအမြဲတမ်းကိုယ်စားလှယ်နှင့် တရုတ်သံအမတ်ကြီး ချန်ရွှိ ၏ နေရာတွင် ကျာကွေ့တယ် တို့အား အစားထိုးခန့်အပ်လိုက်ခြင်းဖြစ်ကြောင်း သိရသည်။
