၇၃ ကြိမ်မြောက် ဘန်ကောက်ကျောက်မျက်ပြပွဲတွင် မြန်မာ့ကျောက်မျက်လုပ်ငန်းရှင်များ ပါဝင်ပြသမည်

ထိုင်းနိုင်ငံ မှာ ပြုလုပ်မယ့် 73rd Bangkok Gems & Jewelry Fair BGJF 2026” ကို မြန်မာနိုင်ငံ ကျောက်မျက် လုပ်ငန်း တွေ ပါဝင်ပြသသွားမယ်လို့ သိရပါတယ်။ပြပွဲကို ထိုင်းနိုင်ငံ၊ ဘန်ကောက်မြို့မှာ ၂၀၂၆ ခုနှစ်၊ ဖေဖော်ဝါရီ ၂၂ ရက် ကနေ ၂၆ ရက်အထိ ပြုလုပ်သွားမှာဖြစ်ပါတယ်။လက်ရှိမှာ အဆိုပါပြပွဲကို မြန်မာနိုင်ငံကျောက်မျက် ရတနာလုပ်ငန်းရှင်များအနေနဲ့ DITP မှ ထောက်ပံ့တဲ့ ပြခန်း (၄) ခန်းနဲ့ မိမိအစီအစဉ်နဲ့ ပြခန်း (၃) ခန်း ပါဝင်ပြသမယ်လို့သိရပါတယ်။ပြပွဲကို ဝင်ရောက်ပြသတဲ့ အတွက် မြန်မာနိုင်ငံ က ကျောက်စိမ်း၊ ပတ္တမြား၊ နီလာ၊ ပုလဲ စတဲ့ ကျောက်မျက် ရတနာပစ္စည်း တွေ ပါဝင်ပြသရောင်းချမှာမို့၊ မြန်မာ့ကျောက်မျက်ရတနာ တွေ ကို နိုင်ငံတကာ ဝယ်ယူသူ တွေဆီ မိတ်ဆက်မြှင့်တင်ပေးသွားနိုင်မယ်လို့ဆိုပါတယ်။