မြန်မာနိုင်ငံ၏ အထွေထွေရွေးကောက်ပွဲ အပိုင်း (၂) အောင်မြင်စွာကျင်းပပြီးစီး၊ ဧပြီလတွင် အစိုးရသစ်တာဝန်ယူမည်

မြန်မာနိုင်ငံ၏ ပါတီစုံဒီမိုကရေစီ အထွေထွေရွေးကောက်ပွဲ အပိုင်း (၂) ကို ဇန်နဝါရီလ ၁၁ ရက်တွင် တိုင်းဒေသကြီးနှင့် ပြည်နယ် ၁၂ ခုရှိ မြို့နယ် ၁၀၀ ၌ ကျင်းပခဲ့ရာ ညနေ ၄ နာရီတွင် မဲရုံများ ပိတ်သိမ်းပြီး မဲရေတွက်မှုများ ဆောင်ရွက်ခဲ့သည်။ ဗိုလ်ချုပ်ဇော်မင်းထွန်းက မဲရေတွက်မှုကို ကိုယ်စားလှယ်လောင်းများနှင့် စောင့်ကြည့်သူများရှေ့တွင် ပွင့်လင်းမြင်သာစွာ ဆောင်ရွက်နေကြောင်းနှင့် လာမည့် မတ်လတွင် လွှတ်တော်ခေါ်ယူကာ ဧပြီလအတွင်း အစိုးရသစ် တာဝန်ထမ်းဆောင်မည်ဖြစ်ကြောင်း ပြောကြားခဲ့သည်။ ရွေးကောက်ပွဲ အပိုင်း (၃) ကို ဇန်နဝါရီလ ၂၅ ရက်တွင် မြို့နယ် ၆၃ မြို့နယ်၌ ဆက်လက်ကျင်းပမည်ဖြစ်ပြီး တစ်နိုင်ငံလုံးအတိုင်းအတာဖြင့် နိုင်ငံရေးပါတီ ၅၇ ခုမှ ကိုယ်စားလှယ်လောင်း ၅,၀၀၀ ခန့် ဝင်ရောက်ယှဉ်ပြိုင်လျက်ရှိကြောင်း သိရှိရပါသည်။