ကိုရီးယားကျောင်းသားအား ညှင်းပန်းသတ်ဖြတ်ခဲ့သည့် Call Center အဖွဲ့ဝင် တရုတ်နိုင်ငံသားတစ်ဦး ထိုင်းနိုင်ငံတွင် ဖမ်းဆီးရမိ

ထိုင်းနိုင်ငံ၊ ပတ္တရားမြို့တွင် ဇန်နဝါရီလ (၈) ရက်နေ့က ကိုရီးယားကျောင်းသားတစ်ဦးအား ညှင်းပန်းနှိပ်စက် သတ်ဖြတ်ခဲ့မှုဖြင့် Interpol က အလိုရှိနေသည့် Call Center အဖွဲ့ဝင် တရုတ်နိုင်ငံသားတစ်ဦးကို ထိုင်းရဲတပ်ဖွဲ့ (CIB) က ဖမ်းဆီးလိုက်ကြောင်း သိရပြီး၊ အဆိုပါအဖွဲ့သည် အလုပ်အကိုင်ကောင်းရမည်ဟု မက်လုံးပေးကာ နိုင်ငံကူးလက်မှတ်များ သိမ်းဆည်းခြင်း၊ အတင်းအဓမ္မ ခိုင်းစေခြင်းနှင့် နှိပ်စက်ခြင်းများ ပြုလုပ်လေ့ရှိသဖြင့် ထိုင်းနိုင်ငံရောက် မြန်မာနိုင်ငံသားများအနေဖြင့် လွယ်လွယ်နှင့် ငွေအများကြီးရမည့် အလုပ်အကိုင်များကို သတိထားရန်၊ မိမိ၏ Passport နှင့် ဘဏ်အကောင့်များကို သူတစ်ပါးထံ ငှားရမ်းခြင်း လုံးဝမပြုလုပ်ရန်နှင့် မသင်္ကာဖွယ် App များ၊ Link များကို အသုံးမပြုဘဲ နည်းပညာဆိုင်ရာ အသိအမြင်များဖြင့် မိမိကိုယ်ကို လုံခြုံအောင် ကာကွယ်ကြရန် အကြံပြုတိုက်တွန်းထားပါသည်။