စင်ကာပူနိုင်ငံ၊ Upper Cross Street ရှိ Hong Lim ဈေးနှင့် အစားအသောက်စင်တာအတွင်း ဇန်နဝါရီလ ၈ ရက် နံနက်ပိုင်းက ဓားတစ်ချောင်းကိုင်ဆောင်ကာ ခေါက်တုံ့ခေါက်ပြန် လျှောက်သွားနေသည့် အသက် ၆၀ အရွယ် အမျိုးသားတစ်ဦးကို ရဲတပ်ဖွဲ့က လုံခြုံရေးဒိုင်းများအသုံးပြု၍ အရေးပေါ်ဖမ်းဆီးခဲ့ကြောင်း သိရသည်။ အဆိုပါအမျိုးသားသည် ဓားကို အနီးအနားရှိဆိုင်တွင် အစားအသောက်လှီးရန် ဝယ်ယူခဲ့ခြင်းဖြစ်ကြောင်း ထွက်ဆိုထားသော်လည်း ၎င်း၏ကိုင်ဆောင်ပုံမှာ အများပြည်သူကို ထိတ်လန့်စိုးရိမ်စေခဲ့သဖြင့် အန္တရာယ်ရှိသောလက်နက်ကိုင်ဆောင်မှုဖြင့် အမှုဖွင့်စစ်ဆေးခံနေရသည်။ စင်ကာပူဥပဒေအရ ခိုင်လုံသောအကြောင်းပြချက်မရှိဘဲ အများပြည်သူဆိုင်ရာနေရာ၌ လက်နက်ကိုင်ဆောင်ပါက ထောင်ဒဏ် ၃ နှစ်အထိ ကျခံရနိုင်ပြီး၊ အသက် ၅၀ ကျော်ဖြစ်၍ ကြိမ်ဒဏ်မှ ကင်းလွတ်ခွင့်ရနိုင်သော်လည်း ယခုဖြစ်စဉ်တွင် တစ်စုံတစ်ဦးမျှ ထိခိုက်ဒဏ်ရာရရှိခြင်းမရှိဘဲ ဖမ်းဆီးနိုင်ခဲ့ကြောင်း သိရှိရပါသည်။
စင်ကာပူ China Town ဈေးအတွင်း ဓားကိုင်လျှောက်သွားသည့် အသက် ၆၀ အရွယ် အမျိုးသားတစ်ဦးကို ရဲတပ်ဖွဲ့ ဒိုင်းများဖြင့် ဝင်ရောက်ဖမ်းဆီး
Jan 10 • 2:23 AM
စင်ကာပူ
ပြည်တွင်းသတင်း
မျှဝေမည်
 12 |  0 |  0 |  0 |
