ကိုဗစ်ဗီဇပြောင်းပိုး XBB ကူးစက်မှု မြင့်တက်နေသည်ဆိုသော သတင်းမှာ သတင်းမှားသာဖြစ်ကြောင်း ကျန်းမာရေးဝန်ကြီးဌာန အတည်ပြု

လူမှုကွန်ရက်စာမျက်နှာများတွင် ပျံ့နှံ့နေသည့် ကိုဗစ်ဗီဇပြောင်းပိုး XBB ကူးစက်မှုသတိပေးချက်များမှာ မမှန်ကန်ကြောင်း ကျန်းမာရေးဝန်ကြီးဌာနက ထုတ်ပြန်ဖြေကြားခဲ့သည်။ အဆိုပါ XBB ဗီဇပြောင်းပိုးသည် ၂၀၂၃ ခုနှစ်အတွင်းကသာ ကူးစက်မှုရှိခဲ့သည့် အမျိုးအစားဖြစ်ပြီး လက်ရှိ ၂၀၂၅ ခုနှစ်ကုန်ပိုင်း ကမ္ဘာ့ကျန်းမာရေးအဖွဲ့ (WHO) ၏ စစ်ဆေးချက်များအရ ကမ္ဘာတစ်ဝန်းတွင် JN.1 နှင့် KP.3.1.1 ကဲ့သို့သော အိုမီခရွန်ဗီဇပြောင်း မျိုးကွဲသစ်များသာ ကူးစက်မှုရှိနေကာ ရောဂါပြင်းထန်မှု အခြေအနေလည်း မြင့်တက်လာခြင်း မရှိကြောင်း သိရသည်။ ကျန်းမာရေးဝန်ကြီးဌာနအနေဖြင့် ဆောင်းရာသီကာလ အသက်ရှူလမ်းကြောင်းဆိုင်ရာ ရောဂါများကို စဉ်ဆက်မပြတ် စောင့်ကြပ်ကြည့်ရှုနေပြီး ပြည်သူများအနေဖြင့် လူမှုကွန်ရက်မှ သတင်းအတု၊ သတင်းမှားများကို မယုံကြည်ဘဲ ဝန်ကြီးဌာန၏ တရားဝင်ထုတ်ပြန်ချက်များကိုသာ တိကျစွာ လိုက်နာရန် တိုက်တွန်းထားပါသည်။