နေပြည်တော် ဇမ္ဗူသီရိမြို့နယ်တွင် အဆင့်မြင့်အိမ်ရာစီမံကိန်း (၃) ခု ဖော်ဆောင်ရန်အတွက် ကုမ္ပဏီများကို EOI ခေါ်ယူ

နေပြည်တော် စည်ပင်သာယာရေးကော်မတီသည် ဇမ္ဗူသီရိမြို့နယ်အတွင်းရှိ သပြေကုန်းနှင့် မင်္ဂလာသိဒ္ဓိရပ်ကွက်များ၌ မြေဧက ၄၀ နီးပါး အသုံးပြုကာ အဆင့်မြင့်အိမ်ရာစီမံကိန်း (၃) ခုကို အကောင်အထည်ဖော်ရန် စီစဉ်လျက်ရှိကြောင်း သိရသည်။ အဆိုပါစီမံကိန်းများတွင် ၄ ခန်းတွဲ ၄ ထပ်နှင့် ၆ ထပ် အဆောက်အအုံများ ပါဝင်မည်ဖြစ်ပြီး အလုံးစုံရင်းနှီးမြှုပ်နှံ တည်ဆောက်မည့် Developer လုပ်ငန်းရှင်များနှင့် ကုမ္ပဏီများကို စိတ်ဝင်စားမှုဖော်ပြခြင်း လျှောက်လွှာ (EOI) ခေါ်ယူထားသည်။ စိတ်ပါဝင်စားသည့် ကုမ္ပဏီများအနေဖြင့် အဆိုပြုလွှာပုံစံများကို ဇန်နဝါရီလ ၁၃ ရက်နေ့မှစ၍ ဝယ်ယူနိုင်ပြီး ဇန်နဝါရီလ ၃၀ ရက်နေ့ ညနေ ၄ နာရီ နောက်ဆုံးထား၍ နေပြည်တော်စည်ပင်သာယာရေးကော်မတီ၊ အင်ဂျင်နီယာဌာန (အဆောက်အအုံ) သို့ တင်သွင်းရမည်ဖြစ်ကြောင်း သိရှိရပါသည်။