ကျိုက်ထီးရိုးစေတီသို့ ဖူးမြှော်သူများ အဆင်ပြေစေရန် တောင်တက်ကားများ ပြေးဆွဲချိန် တိုးမြှင့်ပေးနိုင်ရန် စီစဉ်နေ

မွန်ပြည်နယ်ရှိ ကျိုက်ထီးရိုးစေတီတော်မြတ်ကြီးသို့ လာရောက်ဖူးမြော်ကြသည့် ဘုရားဖူးခရီးသည်များ အဆင်ပြေစေရန်အတွက် တောင်တက်ကားပြေးဆွဲချိန်ကို လက်ရှိသတ်မှတ်ချိန်ထက် ပိုမိုတိုးမြှင့်ပေးရန် ဂေါပကအဖွဲ့က စီစဉ်လျက်ရှိသည်။ လက်ရှိတွင် တောင်တက်ကား (၁၅၂) စီးဖြင့် နေ့စဉ် နံနက် ၆ နာရီမှ ညနေ ၆ နာရီအထိ ပြေးဆွဲပေးနေခြင်းဖြစ်ပြီး ဘုရားဖူးလာရောက်သူဦးရေအပေါ် မူတည်၍ အချိန်တိုးမြှင့်ပေးသွားမည်ဖြစ်သည်။ ၂၀၂၆ ခုနှစ်၊ ဇန်နဝါရီလ ပထမပတ်အတွင်း၌ပင် ပြည်တွင်းပြည်ပခရီးသွား (၆၉,၀၀၀) ကျော် လာရောက်ခဲ့သဖြင့် ရင်ပြင်တော်နှင့် ပတ်ဝန်းကျင်ရှိ အထင်ကရနေရာများတွင် ဘုရားဖူးများဖြင့် အထူးစည်ကားလျက်ရှိသည်။ ဘုရားဖူးပြည်သူများ ဘေးအန္တရာယ်ကင်းရှင်းပြီး စိတ်အေးချမ်းသာစွာ ဖူးမြော်နိုင်ရန်အတွက် ဂေါပကအဖွဲ့နှင့် တာဝန်ရှိသူများက လုံခြုံရေး၊ ကျန်းမာရေးနှင့် အခမဲ့တည်းခိုနေထိုင်ရေးလုပ်ငန်းများကိုပါ စနစ်တကျ ကြပ်မတ်ဆောင်ရွက်လျက်ရှိကြောင်း သိရသည်။