တိုင်းနှင့် ပြည်နယ်(၈)ခု၏ မဲအများဆုံးရသူအနိုင်ယူစနစ်တွင် USDP ပါတီနှင့် တိုင်းရင်းသားပါတီများမှ ကိုယ်စားလှယ်များရွေးကောက်တင်မြှောက်ခံရ

၂၀၂၅ ခုနှစ်၊ ဒီဇင်ဘာ ၂၈ ရက်က ကျင်းပခဲ့သည့် ရွေးကောက်ပွဲ အပိုင်း (၁) တွင် တိုင်းနှင့် ပြည်နယ် ၈ ခု၌ မဲအများဆုံးရသူအနိုင်ယူစနစ် (FPTP) ဖြင့် ရွေးကောက်တင်မြှောက်ခံရသည့် အမျိုးသားလွှတ်တော် ကိုယ်စားလှယ်စာရင်းကို ပြည်ထောင်စုရွေးကောက်ပွဲကော်မရှင် (UEC) က ၂၀၂၆ ခုနှစ်၊ ဇန်နဝါရီ ၈ ရက်တွင် ထုတ်ပြန်ကြေညာခဲ့သည်။ အဆိုပါ ထုတ်ပြန်ချက်အရ ကချင်၊ ကယား၊ ကရင်၊ တနင်္သာရီ၊ မကွေး၊ မန္တလေးနှင့် မွန်ပြည်နယ်တို့တွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP) မှ ကိုယ်စားလှယ်များ အများစု အနိုင်ရရှိခဲ့ပြီး၊ စစ်ကိုင်းတိုင်းတွင် နာဂအမျိုးသားပါတီနှင့် မွန်ပြည်နယ်တွင် မွန်ညီညွတ်ရေးပါတီတို့မှ တိုင်းရင်းသားကိုယ်စားလှယ်များလည်း အသီးသီး ရွေးကောက်တင်မြှောက်ခံခဲ့ရကြောင်း သိရှိရပါသည်။