ရှမ်းပြည်နယ် (အရှေ့ပိုင်း)၊ တာချီလိတ် မြို့မိမြို့ဖများ၊ ဌာနဆိုင်ရာများ စုပေါင်းကျင်းပသည့် နှစ်ဦး အထူးညတရားပွဲကို ဇန်နဝါရီ ၈ ရက်၊ ည
၇ နာရီက မြို့ကျက်သရေဆောင် ရွှေတိဂုံစေတီတော် ရင်ပြင်တွင် ကျင်းပသည်။ရှေးဦးစွာ တရားပွဲအား နမောတဿ သုံးကြိမ်ရွတ်ဆို ဘုရားကန်တော့၍ ဖွင့်လှစ်ပြီး နိုင်ငံတော်သံဃမဟာနာယကအဖွဲ့ ဥက္ကဋ္ဌ သံလျင်မင်းကျောင်း ကျောင်းတိုက်ကြီး၏ ဦးစီးပဓာန နာယက အဘိဓဇမဟာရဋ္ဌဂုရု၊ အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ ဒေါက်တာဘဒ္ဒန္တစန္ဒိမာဘိဝံသ မဟာထေရ်မြတ်ကြီးထံမှ ဧည့်ပရိသတ်များက ငါးပါးသီလခံယူဆောက်တည်ကြသည်။ယင်းနောက် နိုင်ငံတော်သံဃမဟာနာယကအဖွဲ့ ဥက္ကဋ္ဌ ဆရာတော်ကြီး ဒေါက်တာဘဒ္ဒန္တစန္ဒိမာဘိဝံသက "သီလသည်သာ အားကိုးရာ" တရားရေအေး အမြိုက်ဆေးများ တိုက်ကျွေးဟောကြားတော်မူပြီး လှူဒါန်းမှု အစုစုတို့အတွက် ရေစက်သွန်းလောင်း အမျှပေးဝေကာ ဗုဒ္ဓသာသနာစိရံတိဋ္ဌတု သုံးကြိမ်ရွတ်ဆို ဆုတောင်း၍ အထူး ညတရားပွဲ ပြီးမြောက်ခဲ့ကြောင်း သိရသည်။
