စင်ကာပူChinatown ရှိ HDB လူသွားလမ်းပေါ်တွင် အသက် ၅၄ နှစ်အရွယ် အမျိုးသားတစ်ဦး သေဆုံးလျက်တွေ့ရှိ

စင်ကာပူနိုင်ငံရဲ့ လူစည်ကားရာ Chinatown အရပ်ရှိ Kreta Ayer Road မှာ စိတ်မကောင်းစရာ ဖြစ်ရပ်တစ်ခု ဇန်နဝါရီလ ၇ ရက်နေ့ မနက်အစောပိုင်းက ဖြစ်ပွားခဲ့ပါတယ်။Block 333 ရဲ့ ဒုတိယထပ် အမိုးပါတဲ့ လူသွားလမ်း corridor ပေါ်မှာ အသက် ၅၄ နှစ်အရွယ် အမျိုးသားတစ်ဦး သေဆုံးနေတာကို တွေ့ရှိခဲ့ရတာ ဖြစ်ပါတယ်။အခင်းဖြစ်ပွားရာနေရာဟာ ဆိုင်ခန်းတစ်ခုရဲ့ အပြင်ဘက်ဖြစ်ပြီး မျက်မြင်တွေ့ရှိသူတွေရဲ့ ပြောပြချက်အရ ရဲတပ်ဖွဲ့က အပြာရောင်တဲငယ်တစ်ခု ထိုးထားကာ ပတ်ဝန်းကျင်ကို ဝိုင်းရံပိတ်ဆို့ထားခဲ့ကြောင်း သိရပါတယ်။စင်ကာပူရဲတပ်ဖွဲ့ (SPF) က မနက် ၅ နာရီ ၅၀ မိနစ်ဝန်းကျင်မှာ အကူအညီတောင်းခံတဲ့ ဖုန်းလက်ခံရရှိခဲ့တာဖြစ်ပြီး အခင်းဖြစ်နေရာကို ရောက်ရှိချိန်မှာတော့ အဆိုပါအမျိုးသားဟာ လှုပ်ရှားမှုမရှိဘဲ လဲကျနေတာကို တွေ့ရှိခဲ့ရပါတယ်။စင်ကာပူ မြို့ပြကာကွယ်ရေးတပ်ဖွဲ့ (SCDF) က ဆေးဘက်ဆိုင်ရာ ကျွမ်းကျင်သူတွေက စစ်ဆေးခဲ့ရာမှာတော့ ထိုသူဟာ အခင်းဖြစ်နေရာမှာတင် သေဆုံးနေပြီဖြစ်ကြောင်း အတည်ပြုခဲ့ပါတယ်။လက်ရှိမှာတော့ အနီးနားက ဆိုင်ခန်းဝန်ထမ်းတွေလည်း ဘာကြောင့် အခုလိုဖြစ်ရသလဲဆိုတာကို သေချာမသိရှိကြဘဲ ရဲတပ်ဖွဲ့က စုံစမ်းစစ်ဆေးမှုတွေ ဆက်လက်လုပ်ဆောင်နေပါတယ်။