ရှမ်းယူနိုက်တက်နှင့် ရန်ကုန်ယူနိုက်တက်ပွဲစဉ်မှ စည်းကမ်းဖောက်ဖျက်မှုများအတွက် ကစားသမားနှင့် အသင်းများကို MFF မှ ပြစ်ဒဏ်ချမှတ်

၂၀၂၅ ခုနှစ်၊ ဒီဇင်ဘာ ၃၁ ရက်က တောင်ကြီးမြို့တွင် ယှဉ်ပြိုင်ခဲ့သည့် မြန်မာနေရှင်နယ်လိဂ်ပွဲစဉ်၌ ဖြစ်ပွားခဲ့သော ဖြစ်ရပ်များအတွက် မြန်မာနိုင်ငံဘောလုံးအဖွဲ့ချုပ် (MFF) က ပြစ်ဒဏ်များ ချမှတ်လိုက်သည်။ ရှမ်းယူနိုက်တက်အသင်းမှ Mark Sekyi သည် ပြိုင်ဘက်အပေါ် ကြမ်းတမ်းစွာကစားမှုနှင့် ပရိသတ်အပေါ် မလျော်ကန်သော အပြုအမူများကြောင့် ၅ ပွဲပယ်နှင့် ဒဏ်ကြေး ၁၀ သိန်း ချမှတ်ခံခဲ့ရသည်။ ထို့ပြင် ပွဲစဉ်အတွင်း ဝါကတ်နှင့် နီကတ်အများအပြား ပြသခံခဲ့ရသည့် ရှမ်းယူနိုက်တက်နှင့် ရန်ကုန်ယူနိုက်တက် နှစ်သင်းစလုံးကို အသင်းလိုက်စည်းကမ်းထိန်းသိမ်းမှု အားနည်းချက်ကြောင့် ဒဏ်ကြေး ၃ သိန်းစီ ထပ်မံပေးဆောင်ရန် အမိန့်ချမှတ်ခဲ့ကြောင်း သိရှိရပါသည်။