‎တာချီလိတ်မြို့၌ (၂၈)ကြိမ်‌မြောက်လားဟူတိုင်းရင်းသားရိုးရာ စုပေါင်းနှစ်သစ်ကူးပွဲတော်ကျင်းပ

ရှမ်းပြည်နယ်(အရှေ့ပိုင်း)၊ တာချီလိတ်မြို့၌ (၂၈)ကြိမ်‌မြောက်လားဟူတိုင်းရင်းသားရိုးရာ စုပေါင်းနှစ်သစ်ကူးပွဲတော်ကို ရိုးရာဓလေ့ထုံးတမ်းအစဉ်အလာများနှင့်အညီ ဇန်နဝါရီလ ၂ ရက်နေ့ နံနက်ပိုင်းက လွယ်တော်ခမ်း ကျေးရွာအုပ်စု၊ ရေပူစမ်းစံပြ‌‌ကျေးရွာတွင် စည်ကားသိုက်မြိုက်စွာ ကျင်းပပြုလုပ်သည်။‎ထို့နောက် လားဟူတိုင်းရင်းသား မောင်မယ်၊ လူငယ်များက သက်ကြီးဝါကြီးပုဂ္ဂိုလ်များကို ရိုးရာလက်ဆေးမင်္ဂလာခံယူကာ လားဟူတိုင်းရင်းသား မောင်မယ် လူငယ်များက ရိုးရာမြေဝိုင်း အက၊ ခေတ်ပေါ်အဆိုအက၊ ဗူးပလွေမြေဝိုင်း အကများဖြင့် ကပြဖျော်ဖြေကာ နှစ်သစ်ကို ကြိုဆိုခဲ့ကြသည်။‎အဆိုပါ လားဟူတိုင်းရင်းသားရိုးရာ စုပေါင်းနှစ်သစ်ကူးပွဲတော်ကျင်းပရခြင်းနှင့် စပ်လျဉ်း၍ လားဟူတိုင်းရင်းသား ယဉ်ကျေးမှုအမွေအနှစ်များဖြစ်သည့် ဘာသာသာသနာ၊ စာပေ၊ ဝတ်စား ဆင်ယင်မှုနှင့် ရိုးရာဓလေ့များအား လေးစားဂုဏ်ယူနိုင်စေရန်၊ တိမ်မြှုပ်နေသော ရိုးရာယဉ်ကျေးမှုများအား ပြန်လည်ဖော်ထုတ်နိုင်ရန်နှင့် အနယ်နယ်အရပ်ရပ်တွင် ပျံ့နှံ့နေသော လားဟူ တိုင်းရင်းသားများ တစ်နှစ်တစ်ကြိမ် ပြန်လည်ဆုံတွေ့နိုင်ရန် နှစ်သစ်ကူးပွဲတော်ကျင်းပရခြင်းဖြစ်ကြောင်း သိရသည်။