ကမ္ဘောဒီးယားအထက်လွှတ်တော်ဥက္ကဋ္ဌကမြန်မာနိုင်ငံသို့ လွတ်လပ်‌ရေး‌နေ့သဝဏ်လွှာပို့

ဇန်နဝါရီလ၄ ရက်နေ့တွင် ကျရောက်မည့် မြန်မာနိုင်ငံ၏ (၇၈) နှစ်မြောက် လွတ်လပ်ရေးနေ့ အထိမ်းအမှတ်အဖြစ် ကမ္ဘောဒီးယား အထက်လွှတ်တော် ဥက္ကဋ္ဌ ဟွန်ဆန်က မြန်မာနိုင်ငံသို့ လွတ်လပ်ရေးနေ့ဂုဏ်ပြုသဝဏ်လွှာကိုပေးပို့ခဲ့ကြောင်း သတင်းရရှိသည်။၎င်း၏သဝဏ်လွှာတွင် “ကမ္ဘောဒီးယားနိုင်ငံ အထက်လွှတ်တော်နှင့် ကမ္ဘောဒီးယား ပြည်သူ့ပါတီတို့ကို ကိုယ်စားပြု၍ ပြည်ထောင်စုသမ္မတ မြန်မာနိုင်ငံတော်၏ (၇၈) နှစ်မြောက် လွတ်လပ်ရေးနေ့ အခါသမယတွင် အဆွေတော်အပါအဝင် အစိုးရ အဖွဲ့နှင့် မြန်မာပြည်သူများကို ကျွန်ုပ်ကလှိုက်လှဲစွာ ဂုဏ်ပြုကြောင်းနှင့် ဆုမွန်ကောင်းတောင်းအပ်ကြောင်း သဝဏ်လွှာ ပေးပို့လိုပါသည်” ဟု ဖော်ပြထားရှိသည်။