ရန်ကုန်-မော်လမြိုင်ကားလမ်းပေါ်တွင် အိုးဝေနှင့် ကားတိုက်မိပြီး လူနှစ်ဦး ဒဏ်ရာရရှိ

မွန်ပြည်နယ်၊ သထုံမြို့နယ်၊ အလံတရာအနီး ရန်ကုန်-မော်လမြိုင်ကားလမ်းမပေါ်တွင် ၂၀၂၆ ခုနှစ်၊ ဇန်နဝါရီလ ၂ ရက် နေ့လယ် ၂ နာရီဝန်းကျင်က အိုးဝေ (သုံးဘီးဆိုင်ကယ်) နှင့် ကားတစ်စီး အရှိန်လွန်တိုက်မိမှု ဖြစ်ပွားခဲ့ကြောင်း သိရသည်။ အဆိုပါယာဉ်တိုက်မှုကြောင့် သထုံမြို့နေ အသက် ၄၆ နှစ်အရွယ် ဒေါ်နီလာညွန့်နှင့် အသက် ၄၃ နှစ်အရွယ် ကိုကနားသူတို့တွင် ထိခိုက်ဒဏ်ရာများ ရရှိခဲ့သဖြင့် ပီတိနှလုံးသား လူမှုကယ်ဆယ်ရေးအသင်း (နောင်ဘို) က သထုံပြည်သူ့ဆေးရုံကြီးသို့ အရေးပေါ် ပို့ဆောင်ကူညီပေးခဲ့ကြောင်း သိရှိရပါသည်။