ထိုင်းရေတပ်အရာရှိတစ်ဦး အမျိုးသမီးတစ်ဦးအား အဓမ္မပြုကျင့်ခဲ့သည့်ဖြစ်စဉ် နစ်နာကြေးပေးကာ အမှုကျေအေး

ထိုင်းနိုင်ငံ၊ ချွန်ဘူရီပြည်နယ်၌ ရေတပ်အရာရှိတစ်ဦးက အသက် ၂၃ နှစ်အရွယ် အမျိုးသမီးတစ်ဦးအား အိမ်လိုက်ပို့မည်ဟုဆိုကာ ကားပေါ်တွင် အဓမ္မပြုကျင့်ပြီးနောက် အဝတ်ဗလာဖြင့် ကားနောက်ခန်းတွင်တင်ကာ ပစ်ထားခဲ့သည့်ဖြစ်စဉ်တစ်ခု ဒီဇင်ဘာလကုန်ပိုင်းက ဖြစ်ပွားခဲ့သည်။ အဆိုပါဖြစ်စဉ်နှင့်ပတ်သက်၍ နစ်နာသူအမျိုးသမီးက Sattahip ရဲစခန်းတွင် အမှုဖွင့်တိုင်ကြားခဲ့ရာ ထိုင်းရေတပ်ဘက်က ကျူးလွန်သူမှာ မိမိတို့အရာရှိမှန်ကန်ကြောင်းနှင့် အကာအကွယ်ပေးမည်မဟုတ်ကြောင်း အတည်ပြုပြောကြားခဲ့သော်လည်း နောက်ဆုံးတွင် ကျူးလွန်သူဘက်က နစ်နာကြေးအဖြစ် ဘတ် ၁ သိန်း ၈ သောင်း ပေးလျော်ရန် သဘောတူညီခဲ့သဖြင့် အမျိုးသမီးက အမှုကို ပြန်လည်ရုပ်သိမ်းကျေအေးပေးလိုက်ကြောင်း သိရှိရပါသည်။