သစ်တောထွက်ပစ္စည်းများ တရားမဝင် ထုတ်လုပ်မှုလျော့နည်း ပပျောက်စေရေးအတွက် ဆောင်ရွက်လျက်ရှိရာ ၂၀၂၅ ခုနှစ် ဇန်နဝါရီလမှ ဒီဇင်ဘာ (၂၂) ရက်နေ့အထိ တရားမဝင် သစ် ၄,၀၈၈ တန်ကို ဖမ်းဆီးရမိခဲ့ကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ သိရသည်။သစ်တောစိုက်ခင်းများ တည်ထောင်ခြင်းနှင့် တရားမဝင်သစ်ဖမ်းဆီးရေးလုပ်ငန်းများသည် သစ်တောကာကွယ်ထိန်းသိမ်းရေးလုပ်ငန်းတွင် အရေးကြီးသော အခန်းကဏ္ဍဖြစ်သည့်အတွက် အမျိုးသားရေးတာဝန်တစ်ရပ်အနေဖြင့်ဆောင်ရွက်သွားရမည်ဖြစ်ကြောင်းလည်း သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီးက ပြောသည်။ယမန်နေ့က တရားမဝင်သစ်ဖမ်းဆီးမှုထူးချွန်ဆု၊ စိုက်ခင်းထူးချွန်ဆုများကိုလည်း ပေးအပ်ခဲ့ကြောင်း သိရသည်။သစ်တောဦးစီးဌာနအနေဖြင့် ၂၀၂၄ ခုနှစ်မိုးရာသီတွင် နိုင်ငံပိုင်စီးပွားရေးစိုက်ခင်းဧက ၈၁၆၀ အပါအဝင် သစ်တောစိုက်ခင်း စုစုပေါင်း (၁၃,၉၈၆) ဧက ကိုလည်း တည်ထောင်စိုက်ပျိုးနိုင်ခဲ့ကြောင်း သိရသည်။အောင်မြင်သော သစ်တောစိုက်ခင်းများ ဖြစ်လာရန် စိုက်ခင်းလုပ်ငန်းစဉ်များကို အချိန်မီပြီးစီးအောင်ဆောင်ရွက်နေကြောင်းလည်း သိရသည်။
