နေပြည်တော်တွင် မုန်ညင်းဈေးကောင်းရသဖြင့် ဟင်းသီးဟင်းရွက်စိုက်ပျိုးသူများ ပြန်လည်များပြားလာ

နေပြည်တော် ကုန်စိမ်းဈေးကွက်အတွင်း ဟင်းသီးဟင်းရွက်ဈေးနှုန်းများ မြင့်တက်လာမှုနှင့်အတူ ဒေသခံတောင်သူများ မုန်ညင်းနှင့် မုန်ညင်းဖူးကို အဓိကထား၍ ပြန်လည်စိုက်ပျိုးလာကြကြောင်း သိရသည်။ ရှမ်းကုန်စိမ်းများ ဈေးကြီးနေချိန်တွင် ယခုကဲ့သို့ ဒေသစိုက် မုန်ညင်းများ ဈေးကွက်အတွင်း ဝင်ရောက်လာခြင်းဖြစ်ပြီး လက်ရှိတွင် မုန်ညင်းပင်တစ်ပင်လျှင် ၅၀၀ ကျပ်နှင့် မုန်ညင်းဖူးတစ်စည်းလျှင် ၇၀၀ ကျပ်ဝန်းကျင်ဖြင့် အရောင်းအဝယ်ဖြစ်နေကာ မုန်ညင်းအပင်ထက် အဖူးဈေးက ပိုမိုကောင်းမွန်နေကြောင်း ဒေသခံတောင်သူများထံမှ သိရသည်။