တရုတ်နိုင်ငံက ရထားတွဲများကို ကြိုးမဲ့စနစ်ဖြင့် ချိတ်ဆက်မောင်းနှင်သည့် နည်းပညာသစ်ကို အောင်မြင်စွာစမ်းသပ်

တရုတ်နိုင်ငံသည် သံမဏိချိတ်ဆက်မှုများ (Mechanical Couplers) မပါဝင်ဘဲ ကုန်တင်ရထားတွဲများကို ကြိုးမဲ့စနစ် (Wireless Control) ဖြင့် စုဖွဲ့မောင်းနှင်နိုင်သည့် အဆင့်မြင့်နည်းပညာကို ဒီဇင်ဘာလ ၂၉ ရက်က အင်နာမွန်ဂိုလီးယားပြည်နယ်၌ အောင်မြင်စွာ စမ်းသပ်နိုင်ခဲ့သည်။ အီဖယ်မျှော်စင် အလေးချိန်၏ ၃ ဆခွဲခန့် (တန်ချိန် ၃၅,၀၀၀) ရှိသော ကုန်တင်ရထား ၇ စီးကို အုပ်စုလိုက် စနစ်တကျ ထိန်းချုပ်မောင်းနှင်ခဲ့ခြင်းဖြစ်ပြီး၊ ဤနည်းပညာကြောင့် ရထားလမ်းသစ်များ ထပ်မံခင်းရန်မလိုဘဲ ကုန်စည်ပို့ဆောင်ရေး စွမ်းဆောင်ရည်ကို ၅၀ ရာခိုင်နှုန်းကျော်အထိ တိုးမြှင့်ပေးနိုင်မည်ဖြစ်သည်။ တရုတ်ရှင်ဟွာစွမ်းအင်ကုမ္ပဏီနှင့် ပြည်တွင်းအဖွဲ့အစည်းများ ပူးပေါင်းဖော်ဆောင်သည့် ဤစနစ်သည် ကုန်ကျစရိတ်ကြီးမားလှသည့် ရထားလမ်းတည်ဆောက်မှုများအစား နည်းပညာဖြင့် လိုအပ်ချက်ကို ဖြည့်ဆည်းပေးနိုင်မည့် အရေးပါသော ခြေလှမ်းသစ်တစ်ခု ဖြစ်လာကြောင်း သိရသည်။