မဲဆန္ဒရှင်များအားလုံးကို အထူးကျေးဇူးတင်ဂုဏ်ပြုဟု ပြည်သူ့ရှေ့ဆောင်ပါတီ(PPP)အသိပေး

ဒီဇင်ဘာ ၂၈ ရက်က ကျင်းပခဲ့သည့် ပါတီစုံဒီမိုကရေစီ အထွေထွေရွေးကောက်ပွဲ အပိုင်း (၁) တွင် မိမိတို့ပါတီမှ ကိုယ်စားလှယ်လောင်းများကို ယုံကြည်စွာ ဆန္ဒမဲပေးခဲ့ကြသော မဲဆန္ဒရှင်ပြည်သူအားလုံးကို အထူးကျေးဇူးတင်ရှိကြောင်း ပြည်သူ့ရှေ့ဆောင်ပါတီ (PPP) က ဒီဇင်ဘာ ၂၉ ရက်တွင် ထုတ်ပြန်ခဲ့သည်။ PPP ပါတီသည် လာမည့် ရွေးကောက်ပွဲ အပိုင်း (၂) နှင့် (၃) တို့တွင်လည်း ဆက်လက်ယှဉ်ပြိုင်သွားမည်ဖြစ်ပြီး၊ မဲပေးရကျိုးနပ်စေမည်ဟု ကတိပြုထားသည့်အပြင် ပြည်သူများအနေဖြင့် ဆန္ဒမဲပေးခြင်းဖြင့် နိုင်ငံ၏ ကောင်းသောအရွေ့တစ်ခုနှင့် ဒီမိုကရေစီစနစ်ကို ဝိုင်းဝန်းတည်ဆောက်ကြရန် တိုက်တွန်းနှိုးဆော်ထားကြောင်း သိရသည်။