လူအများစုက ညအိပ်ပျော်သွားတဲ့အခါ လက်တွေ အထဲသို့ကွေးသွားပြီး ရင်ဘတ်နား ကပ်သွားကာ ဒါကို ဆိုရှယ်မီဒီယာပေါ်မှာ T. rex အနေအထားလို့ ခေါ်ကြပါတယ်။ ညတိုင်းညတိုင်း ဒီလိုမျိုး ဖြစ်လာတယ်ဆိုရင် ထုံကျဉ်ခြင်း၊ စူးရှခြင်းတို့ ခံစားရနိုင်ပြီး အာရုံကြောတွေ ထိခိုက်လာနိုင်တယ်လို့ ဆရာဝန်တွေ သတိပေးလာပါတယ်။လက်တွေ အထဲသို့ကွေးတုပ်သွားတဲ့အခါ တံတောင်ဆစ်၊ လက်ကောက်ဝတ်တို့က အာရုံကြောတွေကို ဖိမိစေကာ သွေးစီးဆင်းမှု နှေးစေပြီး လက်တွေ ထုံကျဉ်စူးရှစေတဲ့အပြင် ရေရှည်မှာ ဒဏ်ဖြစ်လာစေပါတယ်။ မနက်အိပ်ရာနိုးလို့ လက်တွေလှုပ်မရတဲ့အခါမျိုး၊ လှုပ်ခါရတဲ့အခါမျိုးဟာ အာရုံကြောစနစ် အခြေအနေမကောင်းတဲ့ လက္ခဏာဖြစ်တယ်လို့ Sleepopolis မှ အိပ်စက်ကျန်းမာရေးအထူးကု ဒေါက်တာ ရာဂျ်ဒက်စ်ဂုတာက ပြောပါတယ်။
