မြန်မာသံအမတ်ကြီးနှင့် ထိုင်းအရှေ့အာရှရေးရာ ညွှန်ချုပ်တို့ နယ်စပ်အွန်လိုင်းလိမ်လည်မှု တိုက်ဖျက်ရေး ဆွေးနွေး

ထိုင်းနိုင်ငံဆိုင်ရာ မြန်မာသံအမတ်ကြီး ဦးဇော်ဇော်စိုးသည် ထိုင်းနိုင်ငံခြားရေးဝန်ကြီးဌာန၊ အရှေ့အာရှရေးရာဦးစီးဌာန ညွှန်ကြားရေးမှူးချုပ် H.E. Mr. Piyapak Sricharoen နှင့် ဒီဇင်ဘာလ ၂၄ ရက်တွင် တွေ့ဆုံကာ နှစ်နိုင်ငံချစ်ကြည်ရေးနှင့် နယ်စပ်ဒေသရှိ အွန်လိုင်းလိမ်လည်မှု (Scam) လုပ်ငန်းများ တိုက်ဖျက်ရေးဆိုင်ရာ ကိစ္စရပ်များကို အလေးပေးဆွေးနွေးခဲ့ကြသည်။ ထို့ပြင် မြန်မာနိုင်ငံ၏ ရွေးကောက်ပွဲအတွက် ကြိုတင်ပြင်ဆင်မှုများ၊ အနာဂတ်စီးပွားရေး ပူးပေါင်းဆောင်ရွက်မှု အခွင့်အလမ်းများနှင့် ပတ်သက်၍လည်း နှစ်ဖက်အပြန်အလှန် အမြင်ချင်းဖလှယ်ခဲ့ကြကြောင်း သိရသည်။