ထိုင်း-ကမ္ဘောဒီးယား နယ်စပ်တင်းမာမှု လျော့ကျရေး ကူညီပေးသည့် တရုတ်နိုင်ငံကို ထိုင်းအစိုးရ ကျေးဇူးတင်စကားဆို

ထိုင်းနှင့် ကမ္ဘောဒီးယားနိုင်ငံတို့အကြား ဖြစ်ပွားနေသည့် နယ်စပ်တင်းမာမှုများကို အရှိန်အဟုန် လျော့ကျသွားစေရန် ဘက်မလိုက်ဘဲ မျှတစွာ ကူညီဆောင်ရွက်ပေးခဲ့သည့် တရုတ်နိုင်ငံ၏ အခန်းကဏ္ဍကို အထူးအသိအမှတ်ပြု ကျေးဇူးတင်ရှိကြောင်း ထိုင်းနိုင်ငံခြားရေးဌာန ပြောရေးဆိုခွင့်ရှိသူ နီကွန်ဒေ့ချ် ဘာလန်ကူရာက ဒီဇင်ဘာ ၂၃ ရက် သတင်းစာရှင်းလင်းပွဲတွင် ပြောကြားခဲ့သည်။ ထိုင်းနိုင်ငံအနေဖြင့် အဆိုပါ ပြဿနာများကို နှစ်နိုင်ငံ မူဘောင်များမှတစ်ဆင့် ရေရှည်တည်တံ့စွာ ဖြေရှင်းသွားရန် ကတိပြုထားပြီး၊ တင်းမာမှုများ ပြေလည်စေရေးအတွက် အပစ်အခတ်ရပ်စဲရေးဆိုင်ရာ ညှိနှိုင်းအစည်းအဝေးကိုလည်း ထိုင်းနိုင်ငံ၌ ဗုဒ္ဓဟူးနေ့တွင် ဆက်လက်ကျင်းပသွားရန် စီစဉ်ထားကြောင်း သိရသည်။