ပဲခူးတိုင်း၊ ရေတာရှည်မြို့နှင့် တောင်ငူမြို့၌ ယနေ့(ဒီဇင်ဘာ ၂၃ ရက်) နံနက် ၁၁ နာရီ ၄၉ မိနစ် ၁၇ စက္ကန့်တွင် ငလျင်လှုပ်ခတ်ခဲ့ကြောင်း ဒေသခံများထံမှသိရသည်။ယင်းငလျင်မှာ အင်အား ၃ ဒသမ ၇ အဆင့်ရှိငလျင်ဖြစ်ပြီး ရေတာရှည်မြို့အားဗဟိုပြုလှုပ်ခတ်ခဲ့ခြင်းဖြစ်ကြောင်း၊ မတ်လ ၂၈ ရက်ကလှုပ်ခတ်ခဲ့သည့် ငလျင်ကြီး၏နောက်ဆက်တွဲငလျင်အမှတ်(၂၅၂) ဖြစ်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနက ထုတ်ပြန်ထားသည်။
တောင်ငူမြို့တွင်နေထိုင်သူတစ်ဦးက "သိလိုက်တယ်။ သိသာတယ် ဒုန်းကနဲပဲ နှစ်ချက်တောင်" ဟု ပြောသည်။
