ကယားပြည်နယ်တွင် ‎စိန်မိုက်ကယ်မြို့သစ် တည်ထောင်ခြင်း (၂၅) နှစ်ပြည့် ငွေရတုဂျူဗလီအထိန်းအမှတ်ပွဲ ကျင်းပခဲ့

‎ကယန်းဒေသ အမှတ်(၂)ခရိုင် အမှတ်(၃) မြို့နယ် ကြေးကတော့အောက်(ခ) စိန်မိုက်ကယ်မြို့သစ်တည်ထောင်ခြင်း (၂၅) နှစ်ပြည့်ငွေရတုပွဲနဲ့ Rv.Fr ကျော်စိန်ရဲ့ ရဟန်းဝါ(၂၅) နှစ်ပြည့်ငွေရတုဂျူဗလီပွဲကို မနေ့ ဒီဇင်ဘာ ၂၁ရက်နေ့က စိန်မိုက်ကယ်မြို့သစ်မှာ ကျင်းပခဲ့ပါတယ်။‎ကြေးကတော့အောက် (ခ) စိန်မိုက်ကယ်မြို့သစ်ကို ၂၀၀၀ ခုနှစ် ဒီဇင်ဘာ (၂၁) ရက်နေ့မှာ စတင်တည်ထောင်ခဲ့တာဖြစ်ပြီး ယခု ၂၀၂၅ခုနှစ် ဒီဇင်ဘာလ ၂၁ရက်မှာတော့ (၂၅) နှစ်ပြည့်မြောက်ခဲ့ပြီဖြစ်ပါတယ်။‎ (၂၅) နှစ်ပြည့် ငွေရတုအထိမ်းအမှတ်အဖြစ် ဘောလုံးပြိုင်ပွဲနဲ့ ရိုးရာဗုံပလွေပြိုင်ပွဲတွေကို ပြုလုပ်ခဲ့ကြပြီး ညပိုင်းအစီအစဉ်အဖြစ် အကပဒေသာဖျော်ခြေခြင်းအစီအစဥ်အပြင် KNECမှ ဖွင့်လှစ်ထားတဲ့ ကွန်ပျူတာတက္ကသိုလ်ကျောင်းသူ၊ကျောင်းသားများမှ နည်းပညာပိုင်းဆိုင်ရာ ပြခန်းတွေပြသခဲ့ကြပါတယ်။