စင်ကာပူ Bukit Batokတွင် လမ်းကူးသူ သက်ကြီးရွယ်အိုတစ်ဦး ယာဉ်တိုက်မှုကြောင့် ကွယ်လွန်

စင်ကာပူနိုင်ငံ၊ Bukit Batok အရပ်တွင် ဒီဇင်ဘာလ (၂၂) ရက်နေ့ ညနေပိုင်းက စိတ်မကောင်းဖွယ်ရာ ယာဉ်မတော်တဆမှုတစ်ခု ဖြစ်ပွားခဲ့ပြီး အသက် (၇၉) နှစ်အရွယ် အမျိုးသားတစ်ဦး အသက်ဆုံးရှုံးခဲ့ရပါတယ်။အဆိုပါဖြစ်စဉ်သည် ညနေ (၅) နာရီဝန်းကျင်ခန့်တွင် Bukit Batok West Avenue 9 မှ Bukit Batok West Avenue 8 သို့ ဦးတည်မောင်းနှင်သည့် လမ်းကြောင်းပေါ်တွင် ဖြစ်ပွားခဲ့ခြင်းဖြစ်ကြောင်း စင်ကာပူရဲတပ်ဖွဲ့ (SPF) က အတည်ပြုပြောကြားထားပါတယ်။လက်ရှိတွင် ရဲတပ်ဖွဲ့က အသက် (၆၁) နှစ်အရွယ် ယာဉ်မောင်းအမျိုးသားကို ပေါ့ဆစွာမောင်းနှင်မှုကြောင့် လူသေဆုံးစေခဲ့ခြင်း သံသယဖြင့် ဖမ်းဆီးထားပြီး ဖြစ်စဉ်အသေးစိတ်ကို ဆက်လက်စုံစမ်းစစ်ဆေးလျက် ရှိပါတယ်။