ထိုင်းတွင် ရုပ်ရည်သွင်ပြင် ပြောင်းလဲသွားသူများ မှတ်ပုံတင်လဲလှယ်ရာ၌ အာမခံသူတစ်ဦး ခေါ်ဆောင်လာရန် အသိပေးချက် လူပြောများနေ

ထိုင်းနိုင်ငံရှိ မှတ်ပုံတင်ဌာနတစ်ခုတွင် မျက်နှာခွဲစိတ်ပြုပြင်မှု သို့မဟုတ် လိင်ပြောင်းလဲမှုများကြောင့် မူလအချက်အလက်စု (Database) ရှိ ဓာတ်ပုံနှင့် ရုပ်ရည်သွင်ပြင် ကွာခြားသွားသူများအနေဖြင့် မှတ်ပုံတင်အသစ်ပြုလုပ်ရာ၌ အထောက်အထားမှန်ကန်ကြောင်း အာမခံပေးနိုင်မည့်သူတစ်ဦး အတူပါလာရမည်ဟူသော အသိပေးဆိုင်းဘုတ်ကြောင့် အွန်လိုင်းတွင် စိတ်ဝင်စားမှု မြင့်တက်နေသည်။ ယင်းမှာ မျက်နှာအသိအမှတ်ပြုနည်းပညာ (Facial Recognition) က မူလဇီဝအချက်အလက်များနှင့် တူညီမှုမရှိတော့သည့်အခါ ဝန်ထမ်းများအနေဖြင့် လူမှန်ကန်မှုကို အတည်ပြုရန် ခက်ခဲသောကြောင့် ဖြစ်ပြီး၊ မှတ်ပုံတင်လဲလှယ်မည့်သူများအနေဖြင့် လုပ်ငန်းစဉ်ကြန့်ကြာမှုမရှိစေရန် ကြိုတင်သတိပေးချက်တစ်ခုဖြစ်ကြောင်း သိရသည်။ တာဝန်ရှိသူများဘက်မှ တရားဝင်ထုတ်ပြန်ချက်မရှိသေးသော်လည်း ခွဲစိတ်ပြုပြင်ထားသူများအနေဖြင့် လိုအပ်သောစာရွက်စာတမ်းများနှင့်အတူ အာမခံပေးနိုင်မည့်သူကိုပါ ခေါ်ဆောင်သွားသင့်ကြောင်း အကြံပြုထားကြသည်။