မြဝတီမြို့အတွင်း တရားမဝင် ဝင်ရောက်နေထိုင်သူများနှင့် အွန်လိုင်းလောင်းကစားကျူးလွန်သူများအား ဖမ်းဆီးရမိရေး လုံခြုံရေးပူးပေါင်းအဖွဲ့များက သတင်းအရ မြဝတီမြို့ဝန်းကျင်တွင် ရှောင်တခင်စစ်ဆေးခြင်းများ၊ မြဝတီမြို့အဝင်/အထွက် လမ်းကြောင်းနေရာများနှင့် လမ်းဆုံလမ်းခွနေရာများတွင် ပိတ်ဆို့စစ်ဆေးရှာဖွေရှင်းလင်းခြင်းများ ဆောင်ရွက်ခဲ့သည်။ထို့နောက် ဂိုထောင် နှစ်လုံးအတွင်းမှ တရားမဝင်ကုန်ပစ္စည်းများဖြစ်သော ကားကြီးတာယာ (ဆိုဒ် TX ၆၀) ၂၀၀ လုံး၊ မိုးကာလိပ်အစိမ်း ၃၀၀၀ လိပ်၊ စက္ကူလိပ် အကြီး ၂၀ လိပ်၊ Air Fiter ဘူးအကြီး ၂၀ လုံး၊ Air Fiter ဘူးအသေး ၃၀ လုံး၊ Battery စက်ဘီး ၁၆ စီး၊ ရေစုပ်မော်တာ (၁.၅ ကောင်) ၁၀၀ လုံး၊ Back Hoe ဘီးခွေ ၂၅ ခု၊ တစ်ရှူးဖာမျိုးစုံ ၃၀၀၀ ဖာ၊ စာရေးကိရိယာမျိုးစုံ ၁၀၀၀ ဖာ၊ အလှကုန်ပစ္စည်း ၂၅၀ ထုပ်၊ သွပ်ဖာဆီလီကွန် ၁၈၀၀ ဖာ၊ စက်ဘီး ၂၀ စီး၊ ကလေးတွန်းလှည်း ၁၅ ခု၊ စုစုပေါင်း တရားမဝင်ကုန်ပစ္စည်း ၁၄ မျိုးအားလည်းကောင်း သိုလှောင်ထားရှိကြောင်း ဖော်ထုတ်ဖမ်းဆီးရမိခဲ့သည်။
