မြန်မာအမျိုးသားဘော်လီဘောအသင်း လာအိုနှင့် စင်ကာပူကို အနိုင်ယူပြီး ဆီးဂိမ်းစ်တွင် အဆင့် (၅) နေရာသို့ တက်လှမ်း

၂၀၂၅ ထိုင်းဆီးဂိမ်းစ်ပြိုင်ပွဲတွင် ဝင်ရောက်ယှဉ်ပြိုင်ခဲ့သည့် မြန်မာအမျိုးသားဘော်လီဘောအသင်းသည် အဆင့်သတ်မှတ်ချက်ပွဲစဉ်များအဖြစ် လာအိုအသင်းကို (၃) ပွဲပြတ်ဖြင့်လည်းကောင်း၊ စင်ကာပူအသင်းကို (၃-၂) ပွဲဖြင့်လည်းကောင်း အသီးသီးအနိုင်ရရှိခဲ့သဖြင့် ပြိုင်ပွဲတွင် အဆင့် (၅) နေရာ ရရှိခဲ့သည်။ မြန်မာအသင်းသည် အုပ်စုအဆင့်တွင် အင်ဒိုနီးရှားနှင့် ဖိလစ်ပိုင်အသင်းတို့ကို ရှုံးနိမ့်ကာ ဆုတံဆိပ်လုပွဲများနှင့် လွဲချော်ခဲ့သော်လည်း ယခင် ၂၀၂၁ ခုနှစ်တွင် အဆင့် (၆) နှင့် ၂၀၂၃ ခုနှစ်တွင် အဆင့် (၇) သာ ရရှိခဲ့သည့် မှတ်တမ်းများထက် ယခုနှစ်တွင် အဆင့်ပိုမိုတက်လှမ်းနိုင်ခဲ့ခြင်းဖြစ်ကြောင်း သိရသည်။