Power China ၏ "အနာဂတ်အလင်း" ပညာသင်ဆုကို မြန်မာကျောင်းသား ၂၁ ဦးအား ပထမဆုံးအကြိမ် ချီးမြှင့်

တရုတ်နိုင်ငံ လျှပ်စစ်ဓာတ်အားဆောက်လုပ်ရေးကော်ပိုရေးရှင်း (Power China) ၏ "အနာဂတ်အလင်း" ပညာသင်ဆုပေးပွဲအခမ်းအနားကို ဒီဇင်ဘာ ၁၉ ရက်က ရန်ကုန်မြို့ Melia ဟိုတယ်၌ ကျင်းပခဲ့ရာ အသက် ၇ နှစ်မှ ၂၀ နှစ်အထက်ရှိ ကျောင်းသားကျောင်းသူ ၂၁ ဦးကို တရုတ်ဘာသာစကား အခမဲ့တက်ရောက်ခွင့် ပညာသင်ဆုများ ပေးအပ်ခဲ့သည်။ မြန်မာ-တရုတ် ချစ်ကြည်ရေးနှင့် ပညာရေးပူးပေါင်းဆောင်ရွက်မှု အစီအစဉ်တစ်ရပ်ဖြစ်သည့် အဆိုပါအခမ်းအနားသို့ တရုတ်သံအမတ်ကြီး မစ္စမာကျားနှင့် တာဝန်ရှိသူများ တက်ရောက်ခဲ့ကြပြီး၊ Power China အနေဖြင့် မြန်မာနိုင်ငံတွင် ဓာတ်အားပေးစက်ရုံစီမံကိန်း ၆ ခု ရင်းနှီးမြှုပ်နှံထားသည့်အပြင် ယနေ့အထိ မြန်မာကျောင်းသားတစ်သောင်းကျော်ကို ပညာရေးပံ့ပိုးမှုများ ပြုလုပ်ပေးခဲ့ကြောင်း သိရသည်။