တောင်ကြီးမြို့ရွှေဘုန်းပွင့်ဘုရားအတက်လမ်းတွင်မျောက်ကိုက်၊ ကုတ်ချိခံရသူ ၁၀ ဦးထက်မနည်း ရှိနေ

ရှမ်းပြည်နယ် တောင်ပိုင်း တောင်ကြီးမြို့ ရွှေဘုန်းပွင့်ဘုရားသို့ သွားသည့်လမ်းတွင် မျောက်ကိုတွေ့သည့်သူမှ မုန့်ကျွေးရာ မျောက်ကိုက်ခံရသူ(၁၀)ဦးကျော် ရှိနေပြီး ကာကွယ်ရေးထိုးရကြောင်း ဖြစ်စဥ်တွေ့ရှိသူက ပြောသည်။မျောက်ကုတ်ခံရခြင်း၊ ကိုက်ခံရခြင်းမှ ခွေးရူးပြန်ရောဂါကူးတတ်သောကြောင့် ကိုက်ခံရလျှင် ကာကွယ်ရေးထိုးရန် လိုကြောင်း ၎င်းက ရှင်းပြသည်။ရွှေဘုန်းပွင့်ဘုရားသို့ လမ်းလျှောက်တက်မည့်သူများ မနက်ပိုင်း လေ့ကျင့်ခန်းလုပ်သည့်သူများ အန္တာရာယ်ရှိသောကြောင့် တာဝန်ရှိသူများမှ ဖမ်းဆီးထိန်းသိမ်းပေးရန် ဒေသခံက ပြောသည်။