ထိုင်းနိုင်ငံ၊ချင်းမိုင်မြို့ စားစရာ ထိပ်တန်းမြို့ ၁၀မြို့မှာ ပါဝင်လာ

UK အခြေစိုက် မဂ္ဂဇင်းတစ်ခုဖြစ်တဲ့ Condé Nast Traveller ရဲ့ ဖော်ပြချက်အရ ကမ္ဘာပေါ်မှာ ကောင်းပေ့ဆိုတဲ့ အစားသောက်တွေရနိုင်တဲ့ မြို့တွေထဲ ချင်းမိုင်က နံပါတ် (၄) မှာရှိနေပါတယ်။ ဒီစာရင်းမှာ ကမ္ဘာပေါ်က ဒိတ်ဒိတ်ကြဲကြဲမြို့ကြီးတွေသာပါဝင်ပြီး ချင်းမိုင်အပေါ်မှာဆို တိုကျို၊ မက်ဒရစ်တို့အပြင် အောက်မှာလည်း လစ္စဘွန်းတို့ ဘာတို့ကိုတွေ့နိုင်မှာပါ။ ချင်းမိုင်မှာဆိုရင် ထိုင်းမြောက်ပိုင်းစတိုင် အရသာတွေရဲ့ ပေါင်းစပ်မှု အပြင် ဒေသပေါင်းစုံက ယဥ်ကျေးမှုတွေ ရောပြွမ်းနေပြီး အရသာကောင်းတဲ့ဆိုင်တွေ အများကြီးရှိနေတာ ဖြစ်ပါတယ်။