ပြည်တွင်း၌ဈေးကွက်အတွင်းကြက်သွန်ဖြူဈေးနှုန်းများကောင်းမွန်မှုမရှိခြင်းကြောင့် စိုက်ပျိုးသူနည်းပါးသွားခဲ့ကြောင်း တောင်သူများကပြောသည်။ကြက်သွန်ဖြူဈေးနှုန်းများမှာပြီးခဲ့သည့် အောက်တိုဘာနှင့်နိုဝင်ဘာလများကစတင်ကာ ကျဆင်းခဲ့ခြင်းဖြစ်သည်။မန္တလေးကပွဲရုံအတော်များများကလည်းအဝယ်ရပ်ထားတော့ အရင်လက်ကျန်တွေတောင် မကုန်သေးဘူး။ ဒီကြားထဲဈေးကတောက်လျောက်ကျနေတော့ အဆင်မပြေတော့ဘူးလေ။ အဲ့ဒါကြောင့် အသစ်ထပ်စိုက်တဲ့သူသိပ်မရှိတော့တာပေါ့"ဟု ကျောက်ဆည်မြို့နယ်မှတောင်သူတစ်ဦးကပြောသည်။
ကြက်သွန်ဖြူဈေးနှုန်းများမှာ ယခင်နှစ်များကထက် ဈေးနှုန်းထက်ဝက်နီးပါးကျဆင်းခဲ့ခြင်းဖြစ်သည်။လက်ရှိအချိန်တွင် မန္တလေးဈေးကွက်အတွင်းကြက်သွန်ဖြူဈေးနှုန်းများမှာ တစ်ပိဿာလျှင်ငွေကျပ် ၂,၅၀၀ ဝန်းကျင်သာရှိနေကြောင်းသိရသည်။
