ဒေလီမြို့တွင် လေထုညစ်ညမ်းမှု ဆိုးရွားလာသဖြင့် ကျောင်းများ အွန်လိုင်းစနစ်သို့ ပြောင်းလဲ

အိန္ဒိယနိုင်ငံ မြို့တော်ဒေလီတွင် လေထုညစ်ညမ်းမှု အလွန်အမင်း ဆိုးရွားလာပြီး အဆိပ်သင့်မြူခိုးများ ဖုံးလွှမ်းလာသည့်အတွက် ဒီဇင်ဘာ ၁၅ ရက်နေ့တွင် မြို့တော်နှင့် အနီးတစ်ဝိုက်ရှိ စာသင်ကျောင်းများကို အွန်လိုင်းသင်ကြားရေးစနစ် သို့ ပြောင်းလဲရန်နှင့် ဆောက်လုပ်ရေးလုပ်ငန်းများကို ပိတ်ပင်ရန် အာဏာပိုင်များက အမိန့်ထုတ်ခဲ့သည်။ အဆိုပါနေ့ နံနက်ပိုင်းတွင် ဒေလီ၏ လေထုအညွှန်းကိန်း ပျမ်းမျှ ၄၇၁ အထိ မြင့်တက်ခဲ့ပြီး၊ အဆုတ်ကို ထိခိုက်စေနိုင်သည့် အမှုန်အမွှား စုစည်းမှုနှုန်းမှာ ကမ္ဘာ့ကျန်းမာရေးအဖွဲ့၏ ကန့်သတ်ချက်ထက် အဆ ၃၀ ကျော် မြင့်တက်နေသည်။ ယင်းဆိုးရွားသော လေထုညစ်ညမ်းမှုသည် စက်မှုလုပ်ငန်းမှ ထုတ်လွှတ်မှုနှင့် အိမ်နီးချင်းပြည်နယ်များမှ သီးနှံအကြွင်းအကျန် မီးရှို့မှုများကြောင့် အဓိကဖြစ်ပေါ်နေပြီး ကလေးငယ်များနှင့် သက်ကြီးရွယ်အိုများအတွက် ကျန်းမာရေးပြဿနာများကို ဖြစ်ပေါ်စေနိုင်ကြောင်း သိရသည်။