ထိုင်းနိုင်ငံတွင် ကျင်းပနေသော (၃၃)ကြိမ်မြောက် အရှေ့တောင်အာရှအားကစားပြိုင်ပွဲ၊ အမျိုးသားဟော်ကီပွဲစဉ်ကို ငါးသင်းပတ်လည်ယှဉ်ပြိုင်လျက်ရှိရာ မြန်မာအသင်းက အုပ်စုတွင်း (၄)ပွဲကစား၊ (၄)ပွဲစလုံးရှုံးနိမ့်ခဲ့ပြီး အဆင့်(၅)သာရရှိခဲ့သောကြောင့် လေးသင်းတည်းယှဉ်ပြိုင်ရမည့် ဆီမီးဖိုင်နယ်သို့ တက်ရောက်ခွင့်မရခဲ့ပေ။မြန်မာအသင်းသည် ဒီဇင်ဘာလ(၁၁)ရက်နေ့က စင်ကာပူကို (၄ဂိုး-ဂိုးမရှိ)၊ ဒီဇင်ဘာ(၁၂)ရက်က မလေးရှားကို (၂၁ဂိုး-၁ဂိုး)၊ ဒီဇင်ဘာ(၁၄)ရက်က ထိုင်းကို (၈ဂိုး-ဂိုးမရှိ)၊ ဒီဇင်ဘာ(၁၅)ရက်က အင်ဒိုနီးရှားကို (၈ဂိုး-၁ဂိုး) ရလဒ်များဖြင့် ရှုံးနိမ့်ခဲ့ပြီး ပြိုင်ပွဲမှထွက်ခဲ့ရပြီဖြစ်သည်။
