ကရင်ပြည်နယ်၊ အရှေ့ပိုင်းဒေသ၌ လိမ်လည်မှုစင်တာများအား နှိမ်နင်းရာတွင် ဖမ်းဆီးထိန်းသိမ်းထားသည့် နိုင်ငံခြားသား ရာနှင့်ချီသော လူများအား ပြန်လည်ခေါ်ယူရန် ယမန်နေ့(ဒီဇင်ဘာလ ၁၄)က ရန်ကုန်မြို့ ၌ ကျင်းပပြုလုပ်ခဲ့သည့် သတင်းစာရှင်းလင်းပွဲတွင် မြန်မာဘက်မှ နိုင်ငံတကာအသိုက်အဝန်းကို တောင်းဆိုလိုက်သည်။မကြာသေးမီလများအတွင်း မြန်မာအာဏာပိုင်များသည် ထိုင်းနိုင်ငံနှင့်နယ်စပ်ရှိ ကုန်သွယ်ရေးမြို့ဖြစ်သော မြဝတီမြို့ပြင်ပရှိ KK Park နှင့် ရွှေကုက္ကို စသည့် အဓိက လိမ်လည်မှုစင်တာကြီးနှစ်ခုအား ဝင်ရောက်စီးနင်းခဲ့သည်။ ယင်းစစ်ဆင်ရေးများကြောင့် နိုင်ငံခြားသား ထောင်ပေါင်းများစွာအား ဖမ်းဆီးထိန်းသိမ်းခဲ့တာ ဖြစ်သည်။
