တေလာဆွစ်က Eras Tour ဖျော်ဖြေရေးခရီးစဉ်မှ ဝန်ထမ်းများအား ဘောနပ်စ်များ ပေးအပ်ချီးမြှင့်

ကမ္ဘာကျော် အမေရိကန်အဆိုတော် တေလာဆွစ် (Taylor Swift) သည် ပြီးခဲ့သည့်နှစ် ဒီဇင်ဘာလတွင် ပြီးဆုံးခဲ့သော Eras Tour ကမ္ဘာပတ်ဖျော်ဖြေရေးခရီးစဉ်၌ ပါဝင်ခဲ့သည့် ဝန်ထမ်းများအား ဘောနပ်စ်များ ရက်ရက်ရောရော ပေးအပ်ခဲ့ကြောင်း Disney+ မှတ်တမ်းစီးရီးဖြစ်သည့် The End Of An Era အရ သိရသည်။ အဆိုပါစီးရီးတွင် အကသမားတစ်ဦးက ၎င်း၏ကတ်ပြားမှ ငွေပမာဏကို ဖတ်ပြလိုက်ရာ အံ့ဩမင်သက်သွားကြသည်ကို မြင်တွေ့ရပြီး၊ တေလာဆွစ်၏ အမာခံပရိသတ်များက ဝန်ထမ်းတစ်ဦးလျှင် အမေရိကန်ဒေါ်လာ ၇၅၀,၀၀၀ ခန့် ရရှိသွားသည်ဟု ခန့်မှန်းထားကြသည်။ People မဂ္ဂဇင်းကမူ တေလာဆွစ်သည် နှစ်နှစ်တာခရီးစဉ်အတွင်း ဘောနပ်စ်ငွေ စုစုပေါင်း ဒေါ်လာ ၁၉၇ သန်း သုံးစွဲခဲ့ကြောင်း အတည်ပြုခဲ့ပြီး၊ ၎င်းဘောနပ်စ်ငွေများတွင် ထရပ်ကားမောင်းသူများ၊ အကသမားများ၊ လုံခြုံရေး၊ အသံ၊ မီးပညာရှင်များအပါအဝင် ထုတ်လုပ်ရေးအဖွဲ့ဝင်အားလုံး ပါဝင်ကြောင်း သိရသည်။ တေလာဆွစ်က Eras Tour ၏ ရှေ့ဆောင်လမ်းပြလိုသောကြောင့် ဝန်ထမ်းများအား ကျေးဇူးတင်စကား ပြောဆိုနိုင်သည့် ဘောနပ်စ်ပေးသည့်နေ့ကို ခရစ္စမတ်နေ့မနက်ကဲ့သို့ ခံစားရကြောင်း ပြောကြားခဲ့သည်။