စင်ကာပူရောက် မြန်မာနိုင်ငံသားများ ကြိုတင်ဆန္ဒမဲပေးမှု မြန်မာသံရုံး၌ ပြုလုပ်

ဒီဇင်ဘာ ၂၈ ရက်တွင် ကျင်းပမည့် ပါတီစုံဒီမိုကရေစီအထွေထွေရွေးကောက်ပွဲအတွက် စင်ကာပူမြို့ရှိ မြန်မာသံရုံး၌ မြန်မာနိုင်ငံသားများ၏ ကြိုတင်ဆန္ဒမဲပေးခြင်းကို ဒီဇင်ဘာလ ၁၃ ရက်နှင့် ၁၄ ရက်တို့တွင် ဆောင်ရွက်ပေးခဲ့ကြောင်း သိရသည်။ အဆိုပါ ကြိုတင်မဲပေးပွဲတွင် မြန်မာသံရုံးဝန်ထမ်းများနှင့် မိသားစုများအပြင် စင်ကာပူနိုင်ငံတွင် ရောက်ရှိနေထိုင်ကြသော မြန်မာနိုင်ငံသား မဲဆန္ဒရှင်များကလည်း ပါဝင်ဆန္ဒမဲ ပေးခဲ့ကြသည်။