၂၀၂၅ ခုနှစ်အတွင်း ရုံတင်ပြသခဲ့တဲ့ ရုပ်ရှင်ဇာတ်ကားများအတွက် မြန်မာ့ရုပ်ရှင်ထူးချွန်ဆု (အကယ်ဒမီဆု) များ ချီးမြှင့်နိုင်ရန် စိစစ်ကြည့်ရှုအကဲဖြတ်ခြင်းလုပ်ငန်းများကို စတင်နေပြီဖြစ်ကြောင်း သိရပါတယ်။အကဲဖြတ်အဖွဲ့အနေနဲ့ စုစုပေါင်း ရုပ်ရှင်ဇာတ်ကား ၇၀ ကျော်ကို တစ်ရက်လျှင် ဇာတ်ကား ၂ ကားမှ ၃ ကားအထိ ပြီးစီးအောင် ကြည့်ရှုအကဲဖြတ်ရန် ရည်ရွယ်ထားပြီး ပထမအဆင့် ကြည့်ရှုအကဲဖြတ်ခြင်းလုပ်ငန်းများကို ဇန်နဝါရီလ အတွင်း ပြီးစီးနိုင်ရန် မျှော်မှန်းထားတယ်လို့ သိရပါတယ်။ ဒုတိယအဆင့် အကဲဖြတ်မှုများကို အကယ်ဒမီပွဲတော်မကျင်းပမီ သတ်မှတ်အချိန်မီ ပြီးစီးအောင် ဆက်လက်ဆောင်ရွက်သွားရမယ်လို့ လည်း သိရပါတယ်။
