ထိိုင်းမှာ မိုးသည်းထန်စွာရွာပြီး အအေးပိုနိုင်

ထိုင်း မိုးဇလရဲ့ ထုတ်ပြန်ချက်အရ တရုတ်ကနေ ဆင်းလာမယ့် အေးမြတဲ့ လေတွေကြောင့် ထိုင်းအပေါ်ပိုင်း (မြောက်ပိုင်း) ဒေသတွေမှာ အအေးပိုနိုင်ပြီး တောင်ပိုင်းမှာတော့ မိုးသည်းထန်ဦးမယ်လို့ဆိုပါတယ်။ ဒီဇင်ဘာ ၁၄ ကနေ ၂၀ ရက်အတွင်း အရှေ့မြောက်ဒေသမှာဆိုရင် အပူချိန် 3-5 ဒီဂရီဆဲလ်စီးယပ်စ်အထိ ကျဆင်းနိုင်ပြီး အလယ်ပိုင်း အရှေ့ပိုင်းမှာတော့ 2-4 အထိ လက်ရှိရှိနေတာထက်ကျဆင်းနိုင်ပါတယ်။ တော်တော်လေးအေးလာဖို့ရှိပါတယ်။တောင်ပိုင်းဒေသတွေဖြစ်တဲ့ နခွန်စီသမရတ်၊ ဖတ်တလောင်၊ ဆုန်ကလာ၊ ပတ္တနီ၊ ယာလာ၊ နာရာသီဝတ်တို့မှာတော့ မိုးသည်းထန်ဦးမှာဖြစ်ပြီး ရေကြီးတာတွေ၊ မိုးကြိုးမုန်တိုင်းတွေ၊ လှိုင်းကြီးတာတွေဖြစ်နိုင်ပါသတဲ့။ မြောက်ပိုင်းကတော့ အရမ်းကို အေးမှာဖြစ်ပြီး ချင်းမိုင်၊ ချင်းရိုင်တွေဆို သိသိသာသာ အအေးပိုလာမှာပါ။ ဘန်ကောက်နဲ့ ပတ်ဝန်းကျင်မှာတော့ အပူချိန် နည်းနည်းလေးကျဆင်းပြီး မိုးဖွဲဖွဲရွာတာတွေရှိနိုင်တယ်လို့ ထုတ်ပြန်ထားပါတယ်။