Girls’ Generation အဖွဲ့ဝင် Tiffany Young နှင့် မင်းသား Byun Yo-han တို့ လက်ထပ်ရန်ရည်ရွယ်ပြီး ချစ်ကြိုက်နေကြောင်း အေဂျင်စီက အတည်ပြု

K-pop group Girls’ Generation မှ အဖွဲ့ဝင်နှင့် သရုပ်ဆောင် Tiffany Young နှင့် နာမည်ကျော် မင်းသား Byun Yo-han တို့သည် လက်ထပ်ရန် ရည်ရွယ်ချက်ဖြင့် အလေးအနက် ချစ်ကြိုက်နေကြောင်း မင်းသား Byun Yo-han ၏ အေဂျင်စီဖြစ်သော TeamHope က ဒီဇင်ဘာလ ၁၃ ရက်နေ့တွင် တရားဝင် ထုတ်ပြန်ကြေညာခဲ့သည်။၎င်းတို့နှစ်ဦးသည် လွန်ခဲ့သောနှစ် မေလတွင် ထွက်ရှိခဲ့သည့် Disney+ ဇာတ်လမ်းတွဲ “Uncle Samsik” တွင် အတူတွဲဖက် သရုပ်ဆောင်ရင်း ရင်းနှီးခဲ့ကြပြီး၊ နောက်ပိုင်းတွင် ချစ်သူများ ဖြစ်လာခဲ့သည်ဟု ပြောကြားထားသည်။