ဆောင်းတွင်းပိုင်း ရန်ကုန်အပါအဝင် ဒေသအချို့မိုးရွာဦးမည်

အခုဆောင်းတွင်းကာလမှာ ရန်ကုန်အပါအဝင် ဒေသအချို့မိုးရွာဦးမှာဖြစ်တယ်လို့ မိုးလေဝသနှင့် ဇလဗေဒညွှန်ကြားမှုဦးစီးဌာနမှ သိရပါတယ်။ဒီဇင်ဘာလ(၁၃)ရက်ညနေပိုင်းမှာတော့ တနင်္သာရီတိုင်းဒေသကြီး၊ ကရင်ပြည်နယ်နဲ့ မွန်ပြည်နယ်တို့မှာ နေရာကွက်ကျား မိုးထစ်ချုန်းရွာဖို့ရှိတယ်လို့ဆိုပါတယ်။နောက် ၂ ရက်အတွက်ခန့်မှန်းချက်အနေဖြင့် ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီး၊ ကယားပြည်နယ်၊ ကရင်ပြည်နယ်၊ မွန်ပြည်နယ်နဲ့ ရှမ်းပြည်နယ်(တောင်ပိုင်း)တို့မှာ နေရာကွက်ကျား မိုး အနည်းငယ် ရွာနိုင်တယ်လို့ သိရပါတယ်။