မြန်မာ့လက်ရွေးစင် အမျိုးသမီးဖူဆယ်အသင်း ဆီးဂိမ်းစ် အုပ်စုပွဲစဉ်များအတွက် ယနေ့တွင် ဘန်ကောက်သို့ ထွက်ခွာမည်

(၃၃) ကြိမ်မြောက် အရှေ့တောင်အာရှအားကစားပြိုင်ပွဲကြီး (SEA Games) တွင် ဝင်ရောက်ယှဉ်ပြိုင်မည့် မြန်မာ့လက်ရွေးစင် အမျိုးသမီးဖူဆယ်အသင်းသည် ယနေ့ ဒီဇင်ဘာ ၁၀ ရက်တွင် ပြိုင်ပွဲကျင်းပရာ ဘန်ကောက်မြို့သို့ သွားရောက်မည်ဖြစ်သည်။ မြန်မာအသင်းသည် အုပ်စုပွဲစဉ်များအဖြစ် ဒီဇင်ဘာ ၁၃ ရက်တွင် အင်ဒိုနီးရှားအသင်းနှင့်၊ ဒီဇင်ဘာ ၁၄ ရက်တွင် ဗီယက်နမ်အသင်းတို့နှင့် ဆက်တိုက်ယှဉ်ပြိုင်ကစားရမည်ဖြစ်သည်။ အသင်းသည် ဆီးဂိမ်းစ်အကြို ခြေစမ်းပွဲအဖြစ် ဒီဇင်ဘာ ၉ ရက်က Muban Chom Beung University အမျိုးသမီးအသင်းနှင့် ယှဉ်ပြိုင်ကစားခဲ့ပြီး၊ ဆီးဂိမ်းစ် ဖူဆယ်ပွဲစဉ်များကို Channel 7, Reader Channel နှင့် HTV Sport Channel တို့မှ တိုက်ရိုက်ကြည့်ရှုနိုင်မည်ဖြစ်သည်။