ထိုင်းနိုင်ငံမှာ မီးဖွားခွင့်နှင့် ဖခင်များအတွက် ခွင့် ၁၅ ရက် ပါဝင်တဲ့ အလုပ်သမား ကာကွယ်စောင့်ရှောက်ရေး ဥပဒေသစ် စတင်အသက်ဝင်

မိဘနဲ့ ကလေးစောင့်ရှောက်ရေးဆိုင်ရာ ခွင့်ရက်တွေကို တိုးမြှင့်ပေးထားတဲ့ အလုပ်သမားကာကွယ်စောင့်ရှောက်ရေး ဥပဒေအသစ်ဟာ တနင်္ဂနွေနေ့ (ဒီဇင်ဘာလ ၇ ရက်)မှာ စတင်အသက်ဝင်လာပြီလို့ အစိုးရပြောခွင့်ရပုဂ္ဂိုလ်က ပြောပါတယ်။အလုပ်ခွင်နဲ့ မိသားစုဘဝ မျှတမှုရှိစေဖို့ မိဘတွေအတွက် ခွင့်ရက်တွေ ပိုမိုပေးထားတဲ့ အဲဒီဥပဒေဟာ Royal Gazette မှာ နိုဝင်ဘာ ၇ ရက်နေ့က ထုတ်ပြန်ကြေညာပြီး ရက်ပေါင်း ၃၀ အကြာ တနင်္ဂနွေနေ့မှာ စတင်အသက်ဝင်လာတာဖြစ်တယ်လို့ ဒုတိယအစိုးရပြောခွင့်ရပုဂ္ဂိုလ် Lalida Prertwiwattana က ပြောပါတယ်။နိုင်ငံပိုင် အေဂျင်စီတွေက ယာယီဝန်ထမ်းတွေဟာလည်း သာမန်ဝန်ထမ်းတွေနည်းတူ ကလေးစောင့်ရှောက်ခွင့်နဲ့ မိဘဆိုင်ရာ ခွင့်ရက်တွေကို ခံစားခွင့်ရရှိမှာ ဖြစ်ပါတယ်။အဲဒီဥပဒေဟာ ခေတ်မီလူ့အဖွဲ့အစည်းနဲ့အညီ ဖြစ်စေဖို့၊ မိသားစုအတွင်း ညီမျှမှုရှိစေဖို့နဲ့ အလုပ်သမားတွေရဲ့ လူနေမှုဘဝ အရည်အသွေး မြှင့်တင်ပေးဖို့ သိသိသာသာ ပြုပြင်မွမ်းမံထားတာဖြစ်တယ်လို့ ပြောခွင့်ရပုဂ္ဂိုလ်က ဆိုပါတယ်။